GERMANY – Nakahibalo ka bala nga ang breastfeeding ang makapugong sang obesity ukon tuman nga katambukon sa mga bata?
Sunu kay Dr. Berthold V. Koletzko, presidente sang European Society of Paediatric Gastroenterology, Hepatology and Nutrition kag professor sa pediatrics sa Ludwig Maximilians University sa Munich sa Germany, ang mga baby nga gina-breastfeed ang may gamay nga risgo nga mangin obese sa ila pagdaku.
Ginpahayag ni Koletzko nga ang breastfeeding ang may long term effect kun sa diin nagapahagan-hagan man ini sa protein supply intake sang lapsag.
Kun mahimu suno kay Koletzko, likawan ang pagpasuso sa lapsag sang gatas halin sa baka bangud nga ini ang naga-contain sang protein nga mas mataas sang tatlo ka pilo kun ipaanggid sa human milk.
Ang protein suno sa natungdan ang isa man sa mga rason sang obesity.
