ILOILO CITY – 214 ka panibag-o nga kaso sang Coronavirus Disease 2019 (COVID-19) sa Western Visayas ang nagdugang sa listahan.
Sa September 27 nga case bulletin sang Department of Health Region 6, naglab-ot na sa 10,972 ang kabug-usan nga numero sang COVID-19 cases kun sa diin 3,961 diri ang active kag nagsaka sa 6,789 ang numero sang naka-recover matapos nga 196 ang nagdugang sa listahan samtang nagapabilin naman sa 222 ang total number of deaths.
Ini matapos nga sa 2,081 ka laboratory results, 214 diri ang new cases, 6 ang nagpositibo sa repeat test kag 1,861 ang negatibo.
Sa 214 ka panibag-o nga kaso, 1 ang halin sa Aklan, 1 sa Antique, 5 sa Capiz, 4 sa Guimaras, 8 sa Iloilo, 66 sa Negros Occidental, 117 sa Bacolod City kag 12 sa Iloilo City.
Sa subong, 83 ang COVID-19 cases sa Aklan, 41 sa Antique, 295 sa Capiz, 77 sa Guimaras, 798 sa Iloilo Province, 2,008 sa Negros Occidental, 3,636 sa Bacolod City, 2,122 sa Iloilo City, 1,912 sa ROFs, LSIs kag APORs samtang 43 ang sa Tagged to other region.
