Zarraga,Iloilo – Buka ang ulo sang isa ka driver sang motorsiklo matapos aksidente nga nalapakan sang 10-wheeler truck sa Bga. Bante, Brgy. Jalaud Norte, Zarraga, Iloilo.
Ang biktima amo si Hezekiah Sombong, 26 anyos sang Brgy. Q. Abeto, Mandurriao, Iloilo City.
Sa interview sang Bombo Radyo kay Lorenzo Cariño, upod sang biktima, iya ginpahayag nga apat sila nga nagamaneho sang motorsiklo apang nauna siya sa tatlo.
Suno kay Cariño, nagapadulong sila sa Barotac Nuevo sang ginapahayag na side swipe sang truck ang motorsiklo nga ginamaneho ni Sombong.
Ginpahayag ni Cariño nga gintawgan lang siya sang iya mga kaupod nga magbalik sa Bga. Bante bangud naaksidente ang biktima.
Santo sa iya nakita, mahimo nga nayupok ang ulo sang biktima nga gindala na sa pinakamalapit nga hospital.
Ang driver naman sang truck ang yara na sa pag-inakop sang otoridad.
