Mga empleyado sang Iloilo Provincial Capitol, temprano nga ginpapauli kahapon sang hapon may kaangtanan sa pagsaulog sang “Kainang Pamilya Mahalaga Day”

ILOILO – May kaangtanan naman sa Memorandum Circular no. 80 nga ginpaguwa sang Office of the President may kaangtanan sa pagsaulog sang Kainang Pamilya Mahalaga Day, ginpahayag ni Iloilo Gov. Arthur Defensor Jr. nga 3:30 kahapon sang hapon, Setyembre 28, sang ginpapauli ang mga empleyado sang kapitolyo.

Ini agud nga maka-upod ang ila tagsa ka pamilya may kaangtanan sa pagsaulog sang Family Week sa kada katapusan sang Setyembre.

Para naman sa natungdan, wala niya naka-upod ang iya kaugalingon nga pamilya nga yara sa subong sa Metro Manila.

Apisar sini, ginpahayag sang Gobernador nga mahimo man niya ma contact ang iya pamilya paagi sa cellphone.