ILOILO CITY – Mas ginpahalugan ang quarantine protocol sa syudad sang Iloilo kadungan sang pagpatuman sang General Community Quarantine epektibo Oktubre 1-31.
Santo sa Executive Order nga pirmado ni Mayor Jerry Treñas, ang curfew ang maga-umpisa 10:00 sang gab-i tubtub 3:00 sang kaagahon, mahimo na nga makabakal sang liquor products apang gindumili-an lang ang pag-inom sa mga pampubliko nga lugar kag mas madamo na nga mga negosyo ang mahimo nga magbukas.
Sa interview sang Bombo Radyo kay Atty. GV Cuñada, city legal officer, iya ginpahayag nga ang commercial establishments ang mahimo na nga magbukas sa 100%, 50% kag 30% depende sa negosyo.
Suno kay Cuñada, ang ginadumili-an lang nga magbukas amo ang:
-Language, driving, dancing, acting kag voice schools
-Entertainment Industries (traditional cinemas ukon theaters)
-Libraries, archives, museums kag cultural centers
-Tourist destinations
-Full body massage
-Tattoo and body peircing
-Live events
-Cockfighting kag cockpit operations
-Beerhouses kag kasubong nga mga negosyo
-Kids amusement industries
-Leisure kag amusement industries
Magluwas diri suno kay Cuñada, may yara man sang travel restrictions sa mga vulnerable sector kasubong sang naga-edad sang 60 anyos pataas, mga may balati-an kag nagabusong, person with disability kag naga-edad sang 20 anyos panubo magluwas lang kun may yara sang emerhensya.
Istrikto man nga ipatuman ang minimum health standards kasubong sang mandatory nga pagsuksok sang face mask, face shield, pagsunod sa 1 meter nga physical distance kag para naman sa mga commercial establishment, kinahanglan ang regular nga disinfection.
