MANILA – Ipaagi sang Social Security System sa PESONet ang paghatag sang pension agud nga mapadasig ang monthly crediting.
Umpisa subong nga October 2020, ang regular pensions ang igahatag paagi sa DBP disbursement facility nga Philippine Electronic Fund Transfer System and Operations Network (PESONet) kag DBP-accredited remittance transfer companies/cash payout outlets.
Ang pensioners ang makapili sa pagbaton sang monthly payout paagi sa ila account sa bisan diin nga PESONet participating bank kag e-wallet provider ukon cash pick-up via DBP cash padala.
Ang mga magabaton paagi sa PESONet participating banks ang indi na kinahanglan nga magpa-enroll sang ila accounts apang ang mga magabaton naman paagi sa cheke gikan sa non-PESONet participating banks ang kinahanglan nga mag-ilis sang account tubtub sa Oktubre 31.
Ang notification ang ipadala paagi sa registered email ukon mailing address kag ang mga miyembro ang mahimo nga maka-check sang lista sa PESONet participating banks ukon sa official website sang Bangko Sentral ng Pilipinas.
Mahimo man nga makapakig-angot sa pinakamalapit nga SSS local kag foreign branches ukon sa mobile app.
Ang monthly pensions ang igahatag sa una nga adlaw sang bulan para sa mga pensioners nga may date of contingency nga halin sa una tubtub ika-kinse nga adlaw sang bulan santo sa SSS memorandum circular nga napetsahan sang Setyembre 22.
Ang monthly pension naman para sa mga pensioners nga may date of contingency nga ika-16 tubtub sa katapusan sang bulan ang gin-schedule sa ika-16 nga adlaw.
