Liwat nga ginpahanumdom sang Department of Health Region 6 sa publiko nga indi mandatory nga magpaidalom sa COVID-19 test ang mga nagabusong kun magpadulong ini sa ospital.
Sa interview sang Bombo Radyo kay Dr. Reynilyn Reyes, COVID-19 spokesperson sang DOH 6, iya ginpahayag nga base sa memorandum No. 2020-258A wala nasaad nga mandatory ang pagpakuha sang swab sample sang mga nagabusong nga iloy apang ini ang nakadepende na sa attending physician.
Nagahingyo ang ahensya nga dapat i-assess sang maayo sang heath workers ilabi na sang doktor ang iloy nga nagabusong.
Dugang pa ni Reyes, sa mga kaangay niya nga mga doktor, kuntani indi paglantawon ang resulta bilang negatibo ukon positibo kundi tratuhon bilang “individual patient” ang manugbata nga iloy.
