Pagbaligya sang karne sang baboy sa kilid dalan sa probinsya sang Iloilo, ginapahanugutan apang dapat nga mag-comply sa requirements

ILOILO – Kinahanglan nga may yara sang Mayor’s permit kag meat inspection certificate ang mga vendors sang karne sang baboy.

Sa interview sang Bombo Radyo kay Darrel Tabuada, officer in charge sang Iloilo Provincial Veterinary Office, iya ginpahayag nga ang meat inspection certificate ang makuha sa slaughterhouse sang kada banwa.

Apang antes hatagan, dapat nga nakapa-idalom ang karne sang baboy sa duha ka mga inspections.

Suno kay Tabuada, may yara naman sang sanitary inpection nga ginahimo antes makakuha sang mayor’s permit ang vendor.

Ginakonsidera sang probinsya ang pagbaligya sang karne sang baboy sa kilid dalan bangud nga may pandemya sa subong apang nagakadapat nga masunod lang sang insakto ang mga kinahanglanon nga i-comply.