ILOILO CITY – Ginalauman nga matapos na sa Oktubre 10 ang ginapatukod nga molecular laboratory sa Iloilo Provincial Hospital sa Pototan, Iloilo.
Sa interview sang Bombo Radyo kay Gov. Arthur Defensor Jr., iya ginpahayag nga nagahingapos na ang building kag igaplastar na lang ang mga equipment nga pagagamiton.
Suno kay Defensor, nagapadayon sa subong ang training sang mga medical technologists lakip na ang iban pa nga personnel.
Ginpahayag ni Defensor nga pagkatapos sini, kinahanglan pa ang accreditation gikan sa Department of Health.
Ang pagpasangkad sang testing capacity sa probinsya sang Iloilo suno sa gobernador ang kabahin na sang new normal.
