MANILA – Tun-an sang Department of Trade and Industry (DTI) ang proposal nga pataasan ang presyo sang delata kag noche buena products.
Suno kay DTI Undersecretary Ruth Castelo, lakip sa mga naghingyo sang dugang nga presyo amo ang manufacturers sang sardinas, gatas, habon, kape, corned beef kag seasoning.
Santo sa ginahingyo sang manufacturers, 11% ukon P0.25 centavos-P1.25 ang saka sa kada bilog sang nasambit nga mga produkto.
Magluwas diri, nagahingyo man sang price hike ang manufacturers sang hamon kun sa diin 1%-4% ukon P7-P20 ang saka.
Para naman kay Steven Cua, presidente sang Philippine Amalgamated Supermarkets Association, mahimo nga maghina ang kita sa paskwa bangud sa COVID-19 pandemic.
Agud nga makaganyat sang manubakal, kinahanglan nga panubu-an ang presyo sang mga produkto.
