ILOILO CITY – Naglab-ot sa 184 ka panibag-o nga COVID-19 cases ang nagdugang sa listahan sa bug-os nga Western Visayas.
As of October 2 nga case bulletin sang Department of Health Region 6, naglab-ot na sa 11,990 ang COVID-19 cases samtang 7,566 na ang numero sang recoveries matapos nga 111 ang nagdugang samtang 260 naman ang deaths matapos nga 10 ang nagdugang sa listahan.
Sa 184 ka panibag-o nga kaso, 87 ang gikan sa Iloilo City, 42 sa Bacolod City, 28 sa Iloilo, 17 sa Capiz kag 8 sa Negros Occidental.
Ang total active cases sa rehiyon ang yara sa 4,164.
Sa subong, ang Aklan ang may 117 ka COVID-19 cases, Antique nga may 63, Capiz nga may 500, Guimaras nga may 151, Iloilo nga may 1,330, Negros Occidental nga may 3,056, Bacolod City nga may 4,118 kag Iloilo City nga may 2,655.
