USA – Nagapabilin nga buhi ang paglaum sang Miami Heat nga makabawi sa game 3 sang 2020 NBA Finals batok sa Los Angeles Lakers.
Ini matapos nga ginlutos sang Lakers ang Heat sa 10 points deficit sa game 2 sa score nga 124-114.
Suno kay Coach Erik Spoelstra, tuman ka gamay sang tyansa sang Heat nga makasulod sa 2020 NBA Finals apang ila ini nga nalampuwasan apisar sang mga pagpanghangkat.
Ginpahayag ni Spoelstra nga apisar sang 2-0 lead sang Lakers, tinguhaan sang iya team nga makabawi sa game 3 agud mapwersa ang game 7.
Apisar nga mabaskog ang Lakers kun sa diin nagahampang si LeBron James, ginpahayag sang Fil-Am coach nga “extremely stubborn” kag “persistent” ang Heat sa handum nga makabawi sa hampang.
Ang game 3 ang patigayunon buwas sa aga, Oktubre 5, kag ang coverage ang mabati-an live sa Bombo Radyo Iloilo.
