ILOILO CITY – Wala nagakadulaan sang paglaom ang mga Micro, Small,and Medium Enterprises (MSMEs) nga mabaligya ang ila produkto apisar may pandemya.
Sa interview sang Bombo Radyo kay Rayjand Talaban Gellamucho, Executive Director at Youth First Initiative Philippines, Incorporated kag Project Director sang Bakal Lokal, iya ginpahayag nga sa subong nga may pandemya, indi na sila maghiwat sang mga trade fair.
Suno kay Gellamucho, nagpangayo sila sang bulig sa Department of Science and Technology (DOST) agud mas mapaayo pa ang ila produkto.
Sa subong suno kay Gellamucho, nagadangat sa 200 ka mga Micro entrepreneur ang ila nga ginatutukan subong nga may pandemya bangud sila ang may tendency nga madulaan sang negosyo.
Pinaagi sa ila proyekto nga Bakal Lokal, mabuligan ang mga MSMEs nga mabaligya ang ila produkto online.
Indi naman kinahanglan suno sa natungdan sang ‘meet-up’ sa pagbakal sang produkto bangud ini ang igadeliver na sa tagsa ka mga pamalay ukon workplace.
Ginapromote man nila ang zero plastic nga pagbaligya sang produkto agud indi makabulig sa pagtipig sa dunang manggad.
Sa mga luyag mag inquire, mahimo lang nga magsend sang mensahe sa ila Facebook page nga Bakal Lokal ukon sa ila website nga www.bakal-lokal.com
