ILOILO CITY – Daku ang mabulig sang cosmetic dentistry sa pag-angkon sang confidence sang isa ka tawo.
Sa interview sang Bombo Radyo kay Dr. Mine Quilino, anay Presidente sang Philippine Dental Association – Iloilo, iya ginpahayag nga ang cosmetic dentistry amo ang dental work nga nagapasangkad sang appearance sang ngipon, gums kag bite ilabi na sa patag sang dental aesthetics kasubong sang color, position, shape, size, alignment kag overall smile appearance.
Suno kay Dr. Quilino, ang teeth services nga ginatanyag sang cosmetic dentist ang nakadepende sa ginakinahanglan sang pasyente kasubong sang teeth whitening, veneer kag braces.
Ginpahayag ni Dr. Quilino nga madamo sang factors kun nga-a may discoloration sa ngipon kag ini ang ginalakipan sang ginakaon ukon gina-inom, tobacco use kag ginabatyag nga balatian.
Agud nga mapaputi ang ngipon, ang mga dentist ang nagagamit sang tooth bleaches kasubong sang hydrogen peroxide ukon carbamide peroxide kag wala sang dapat kahangaw-an bangud nga ini ang safe sa ikaayong lawas.
Ang veneer naman amo ang thin moulding, custom-made porcelain nga gina-angot sa front surface sang ngipon kag makabig nga quick and effective solution sa stained, chipped, misshapen ukon crooked teeth kag mahimo man nga makatabon sang gaps sa mga ngipon.
Ang kalawigon sini suno sa natungdan ang nakadepende sa paghalong.
Kun dental braces naman, ini ang ginagamit sa pagtadlong sang ngipon agud malikawan ang gaps kag mangin husto ang bite.
Pagkatapos makuha ang braces, ginapanugyan naman ang retainers agud mapabilin nga teeth structure depende sa panugyan sang dentist.
