CABATUAN, ILOILO – Siraduhon sa sulod sang duha ka adlaw ang Cabatuan Public Market sa Cabatuan, Iloilo agud hatagan sang ligwa ang pagpaninlo.
Sa interview sang Bombo Radyo kay Mayor Ronilo Caspe, iya ginpahayag nga maga-umpisa ang temporary closure subong nga adlaw, Oktubre 5.
May kaangtanan diri, nag-abiso na si Caspe sa mga pumuluyo ilabi na sa mga vendors nga may pwesto sa merkado.
Ginpahayag ni Caspe nga madamo ang mga nagalapas sa executive order ilabi na sa mandatory nga pagsuksok sang face mask kag face shield.
Santo sa record, siyam ang active COVID-19 cases sa nasambit nga banwa kun sa diin duha ang admitted sa hospital, pito ang naka-facility quarantine samtang tatlo naman ang patay.
May kaangtanan diri, nagpahanumdum naman ang alkalde nga magsunod sa ginapatuman nga health protocol.
