ILOILO CITY – Naglab-ot sa 193 ka panibag-o nga kaso sang Coronavirus Disease 2019 (COVID-19) ang nagdugang sa listahan sa bug-os nga Western Visayas.
Sa October 6 nga case bulletin sang Department of Health Region 6, nagsaka na sa 12,683 ang kabug-usan nga COVID-19 cases sa rehiyon kag 8,661 naman ang total recoveries matapos nga 163 ang nagdugang.
Siyam naman ang nagdugang sa numero sang mga ginbawi-an sang kabuhi kun sa diin nagsaka na sa 280 ang total deaths kag 3,742 ang total active cases.
Sa 193 ka panibag-o nga COVID-19 cases, 71 ang gikan sa Iloilo City, 37 sa Capiz, 34 sa Bacolod City, 31 sa Iloilo kag 20 sa Negros Occidental.
Sa subong, 122 na ang COVID-19 cases sa Aklan, 64 sa Antique, 564 sa Capiz, 150 sa Guimaras, 1,415 sa Iloilo, 3,248 sa Negros Occidental, 4,246 sa Bacolod City kag 2,874 sa Iloilo City.
