ILOILO CITY – Naglab-ot sa 150 ka panibag-o nga COVID-19 cases ang na record sa Western Visayas.
As of October 8 nga case bulletin sang Department of Health Region 6, nagsaka na sa 12,986 ang COVID-19 cases samtang nadugangan naman sang 223 ang recoveries nga may kabug-usan nga 9,065 kag 15 naman ang nagdugang sa numero sang mga ginbawi-an sang kabuhi kun sa diin ang total deaths ang naglab-ot na sa 303.
Sa 150 ka new cases, 54 ang gikan sa Iloilo City, 46 sa Iloilo, 27 sa Negros Occidental, 16 sa Capiz kag 6 sa Bacolod City.
Ang total active cases sa rehiyon ang naglab-ot sa 3,618.
Sa subong, ang Aklan ang may 123 ka COVID-19 cases, Antique nga may 65, Capiz nga may 580, Guimaras nga may 150, Iloilo nga may 1,466, Negros Occidental nga may 3,345, Bacolod City nga may 4,272 kag Iloilo City nga may 2,985.
