AUSTRALIA – Atensyon sa mga babayi nga mahilig magkaon sang fast food!
Nagaguwa sa pagtuon nga ang mga babayi nga masami nagakaon sang fast food ang mabudlayan nga makabusong sa sulod sang isa ka tuig.
Suno kay Dr. Claire Roberts, researcher sa University of Adelaide sa Australia, ang mga babayi nga indi mahilig magkaon sang prutas ang may risgo nga 8-12 percent nga mangin baog ukon indi makabusong.
Nagataas pa gid ang infertility sa 8-16 percent kun ang babayi ang masami nga nagakaon sang burgers, pizza, fries kag fried chicken bangud nga ang pagkaon sang unhealthy food ang nagapataas sang infertility.
