NORTH KOREA – Ginpakita sang North Korea ang intercontinental ballistic missiles kadungan sang unprecedented predawn military parade.
Suno sa mga analyst, ang missile nga ginpakita paagi sa transporter vehicle nga may 11 ka axles, ang isa sa largest road-mobile ICBM sa kalibutan sa tion nga mangin operational.
Magluwas diri, ginpakita man ang Hwasong-15 nga amo ang longest-range missile nga gin-test sang North Korea lakip na diri ang bag-o nga submarine-launched ballistic missile.
Nauna na nga ginpahayag sang mga opisyal sang South Korea kag Estados Unidos nga ang nasambit nga kahiwatan ang gamiton nga kahigayunan ni North Korean leader Kim Jong Un agud ipakita ang “strategic weapon”.
Santo sa video broadcast sang North Korea KRT, makita si Kim Jong Un nga nagalantaw sang military parade kadungan sang 75th anniversary sang Workers’ Party.
