TIGBAUAN, ILOILO– Gin-ako sang Napoleon Tumagtang Command nga sila ang nagpatay sa ginapatihan anay myembro sang Revolutionary Proletarian Army-Alex Boncayao Brigade ukon RPA-ABB.
Santu sa ginpaguwa nga statement sang rebelde nga grupo, ila ginpahayag nga sila mismo ang nag ambush-patay kay Joel Bedonia, 44 anyos kag residente sang Guimbal, Iloilo.
Suno sa grupo, sindikato kag may kaangtanan sa iligal nga droga sa Bedonia.
Samtang pahayag naman ni PMaj. Rolando Araño, hepe sang Tigbauan Muncipal Police Station, nga wala sila sang may ginakaptan nga ebidensya nga naangot ang rebelde nga grupo sa pagpatay sa biktima.
Apang wala man ginadula sang Tigbauan PNP ang posibilidad nga may kahilabtanan ang New People’s Army sa insidente.
Base man sa inmbestigasyon sang kapulisan, wala naangot sa iligal nga droga ang nasambit nga biktima.
