MANILA – Ginpahanugutan na ang operasyon sang licensed cockpits kag ang pagpatigayon sang cockfighting activities lakip na ang off-track horse race sa mga lugar nga yara sa Modified General Community Quarantine ukon may mas manubo pa nga quarantine classification.
Ini ang ginkumpirma ni Presidential Spokesperson Atty. Harry Roque sa Laging Handa Press Briefing.
Suno kay Roque, kinahanglan nga sundon ang tanan nga minimum health protocol sa pagpatigayon sang bulang kag sang off-track horse race kag nagakadapat nga wala lang sang audience.
Ginadumili-an ang online betting kag ang broadcasting ukon telecasting kag nagakadapat nga may yara sang pahanugot gikan sa Local Government Unit.
