BELGIUM – Mas hugton pa sang Belgium ang COVID-19 restrictions bangud sa nagataas nga numero sang infections kag nagalala nga sitwasyon sang hospital beds.
Suno kay Yves Van Laethem, isa ka virologist , adlaw-adlaw ang ila pagpakig-away batuk sa makamamatay nga virus.
Lakip sa pagsulundan nga ipatuman sang Belgium amo ang pagpahanugot sang work from home arrangement sa mga empleyado.
Ginalantaw man sang Belgium nga sundon ang restrictions nga ginapatuman sa France kaangay sang pag-implementar sang curfew kag pagbuhin sang oras sa operasyon sang mga bars kag restaurants.
Samtang pahayag nama sang mga health authorities, mahimo nga sa tunga-tunga sang Nobyembre, ma okupar na ang tanan nga ICU beds bangud sa mataas nga kaso nga narekord sa nasambit nga pungsod.
