TAHILAND – Naggamit sang water cannon ang mga pulis sa Thailand batuk sa mga protesters nga nagmartsa na naman sa Central, Bangkok kasunod sang pagpaguwa sang emergency decree sang gobyerno sa diin ginadumili-an ang pagtililipon.
Ginabanta 2,000 nga mga pro-democracy demonstrators na naman kagab-i ang nagasinggitan nga buy-an na ang mga ginpangdakop nga mga aktibista.
Ginatos man ka mga pulis ang nag-atubang sa mga protesters kag nagpanawagan nga magpauli na ang mga ini.
Apang nagpakatig-a ang mga protesters kag ila nga ginbalabagan ang dalan samtang ginapahalin ang mga pulis kag nagakanta sang national anthem sang pungsod.
