MANILA – Gindayaw sang Miss Universe Philippines Organization ang kaisog sang duha ka kandidata nga nag-withdraw sa kompetisyon bangud sa COVID-19.
Santo sa statement sang nasambit nga organisasyon, isa ka masubo nga balita nga may mga kandidata nga indi na magpadayon sa kompetisyon apang dalayawon naman ang ila ginpakita nga “bravery” kag “courage” sa pagdesisyon.
Ginpasalig man sang organisasyon nga hatagan sa gihapon sang suporta sanday Vincy Vacalares sang Cagayan de Oro kag Maria Isabela Galeria sang Sorsogon nga una na nga nagpositibo sa COVID-19.
Bangud sini, top priority sa subong ang health kag safety sang mga kandidata lakip na sang mga staff sang Miss Universe Philippines Organization.
Ang coronation night sang Miss Universe Philippines 2020 ang patigayunon sa Oktubre 25 sa Baguio City.
