NEW JERSEY, USA – Mas manubo ang risgo sang COVID-19 infection sa nabukid nga bahin sang New Jersey sa Estados Unidos.
Suno kay Bombo International Correspondent Randy Falayas, unpredictable ukon indi mapaktan ang trend sang COVID-19 infection sa New Jersey ilabi na sa iya ginatiniran sa Clifton City.
Ginpahayag ni Falayas nga sa Vermont nga isa ka forested area, mas manubo ang risgo sang COVID-19 bangud nga ang kalabanan sa mga na record nga kaso ang gikan mismo sa highly populated nga mga lugar.
May yara naman sang kinalain ang ginapatuman nga lockdown sa New Jersey kun sa diin ang mga tumandok ang wala ginapahanugutan nga makaguwa sa partikular nga lugar samtang ginapahanugutan naman nga makasulod ang mga dumuluong.
Magluwas diri, wala man sang may gina-require nga mga dukomento kasubong sang resulta sang RT-PCR test results.
