Nagapangayo sang pagpaathag ang Department of Education sa ila regional office nga nagpaguwa sang distance learning module nga naga-dumili sa mga estudyante nga mag intra sa peaceful assemblies.
Suno kay Department of Education Undersecretary Diosdado San Antonio, gina-usisa na sang talatapan ang module sa Media and Information Literacy nga wala nagapahanugot sa mga estudyante nga mag-upod sa mga assemblies, partikular na sa mga hublag protesta.
Sa pamangkot sa module, “If given the chance, will you join this rally? Why or why not?”
Kag base sa answer sheet ang insakto nga sabat amo ang: “No, because the government has [sic] really doing their best for all the Filipino people and their constituents.”
Pahayag niya, wala nag-agi sa approval process sang central office ang nasambit nga kwestyon sa module.
Nahibaluan nga indi ini ang first time nga may mga sala sa modules nga gin-release sang DepEd.
