ILOILO CITY – Naglab-ot sa 185 ka panibag-o nga Coronavirus Disease 2019 (COVID-19) ang nagdugang sa listahan sang Department of Health Region 6.
As of October 19, nagsaka sa 14,791 ang total COVID-19 cases sa Western Visayas samtang nagsaka man sa 11,424 ang recoveries matapos nga 280 ang nagdugang.
Kadungan sini, nagsaka sa 349 ang total deaths matapos nga duha ang nagdugang sa listahan.
Sa 185 ka panibag-o nga kaso, 82 ang gikan sa Negros Occidental, 33 sa Iloilo City, 28 sa Iloilo, 21 sa Bacolod City kag 19 sa Capiz.
Sa subong, ang Aklan ang may 139 ka COVID-19 cases, Antique nga may 67, Capiz nga may 685, Guimaras nga may 159, Iloilo nga may 1,670, Negros Occidental nga may 3,943, Bacolod City nga may 4,629 kag Iloilo City nga may 3,499.
