MISSOURI, USA – Lapnagon ang rally nga ginapatigayon sang Trump supporters sa Joplin, Missouri sa Estados Unidos samtang nagahilapit ang eleksyon.
Suno kay Bombo International Correspondent Sandria Marin-Virtue, makabig nga balwarte ni US President Donald Trump ang ila lugar.
Ginpahayag ni Virtue nga may yara man sang supporter si Democratic candidate Joe Biden apang tuman lang ka gamay.
Sa subong suno kay Virtue, may yara sang rally nga ginapatigayon sa tagsa ka semana sa nasambit nga Conservative Republican state.
Suno naman kay Joshua Virtue, bana sang Ilongga Bombo International Correspondent, nagapati siya nga mas madamo ang nadala nga kaayuhan ni Trump sa Estados Unidos.
Ginpahayag ni Virtue nga makabig nga long process ang ginpromisa ni Trump nga “Make America Great Again” apang ang importante amo nga sa subong, makita ang pila ka pagbag-o nga pabor para sa kadam-an.
Bilang disabled military veteran, ginpahayag sang natungdan nga nagapati siya nga si Trump man sa gihapon ang magadaug sa Nobyembre 3.
