QUEZON CITY – Pagtanyag sang libre nga wifi ang ginagamit sang mga kawatan bilang bag-o nga modus sa Quezon City.
Ang nabiktima sang modus amo si alyas ”Aldo” nagapuyo sa isa ka apartment building sa Quezon City, Manila.
Suno sa biktima, nagpanuktok ang kawatan sa iya nga unit kag gilayon siya nga gintanyagan sang libre nga wifi.
Nagsalig man si Aldo rason nga kinahanglanon man sang iya nga anak ang free wifi connection para sa online class.
Ginpangitaan sang kawatan ang biktima sang cellphone agud diri niya itakud ang libre nga wifi.
Ginahagad pa sang suspek si Aldo nga magpanaog sila sa second floor agud matan-aw kung indi madula ang internet signal kag nagpangayo ini photocopy sang ID.
Nagsaka man dali-dali ang suspek sa iya nga unit apang ginbilin niya ang cellphone bangud suno sa kawatan ginakay-o pa niya ang internet signal.
Sang nakabalik si Aldo sa second floor, nakapalagyo na ang kawatan bitbit ang iya cellphone nga nagabalor 13,000.
“Kapag may nag-aalok sa inyo na free wifi para sa online class ‘wag po tayong madaling magtiwala. Nangyari na po sa sa akin at ayaw ko rin pong mangyari sa inyo,” laygay ni Aldo.
Samtang, gin-alerto na ang mga barangay sa lugar agud maghalong sa mga modus sang kawatan.
