GUIMBAL, ILOILO – 19 ka mga balay sa Barangay Cabubugan, Guimbal, Iloilo ang nagguba bangud sa buhawi tuga sang mabaskog nga paghuyop sang hangin kag pagbubo sang ulan.
Sa interview sang Bombo Radyo kay Punong Barangay Chona Dalisay, iya ginpahayag nga sa 19 ka mga balay, apat diri ang totally damage kag 15 ang partially damage.
Suno kay Dalisay, may iban sa mga pamilya ang nagpabilin lang sa ila panimalay apisar nga may guba samtang ang iban naman ang yara sa evacuation center.
May mga ginhatag naman ang barangay nga pagkaon sa mga apektado nga pamilya.
Samtang ginkakibot naman ni Albert Villarias, residente sang nasambit nga barangay, nga gulpiyada lang nagbaskog ang hangin samtang nagapanglaba ang iya nga tiayon.
Suno kay Villarias, na uklab ang ila nga atop kag agud nga masiguro nga hilway sila sang iya pamilya kaupod ang iya mga anak, nagatinir sila temporaryo sa evacuation center sang barangay.
Ang mga puno pahayag niya ang nagkalatumba man.
