USA – Nakaboto na si US President Donald Trump sa Florida antes ang pagpatigayon sang tatlo ka campaign rallies may kaangtanan sa eleksyon sa Nobyembre 3.
Si Trump ang nagboto sa polling station sa West Palm Beach malapit sa Mar-a-Lago resort nga isa sa iya gina-istaran.
Bangud sini, isa si Trump sang Republican Party sa kapin sa 55 million Americans nga temprano pa nga nagboto.
Pagkatapos sini, gilayon nga nagpadulong sa North Carolina, Ohio kag Wisconsin ang US President antes nagpauli sa White House.
Padayon naman ang pagpangampanya sang kasumpong nga si anay Vice President Joe Biden sang Democratic Party.
Sa subong, abanse si Biden sa national polls apang nagalagas naman si Trump paagi sa mga ginakabig nga battleground states.
