ILOILO CITY- Bugalon si Presidential Spokesperson Harry Roque bangud kasimanwa sang iya iloy ang ginkoronahan nga Miss Universe Philippines 2020 Rabiya Mateo.
Sa interview sang Bombo Radyo kay Atty. Roque, iya ginpadayaw nga indi magpapierde ang katahum sang mga Ilongga.
Suno kay Roque nga nagpungko man bilang isa sa mga hurado, run-away winner si Rabiya sa swimsuit kutob sa interview portion.
Wala naman sang isyu para kay Roque ang nangin sabat ni Rabiya sa final QandA round sang ginmitlang sini si anay Senator Miriam Defensor Santiago bilang “the best president that we never had.”
