PAVIA, ILOILO – Naglab-ot sa tuhod ang kadalumon sang tubig-baha nga nagsulod mga pamalay sa Brgy. Balabag, Pavia, Iloilo.
Sa interview sang Bombo Radyo sa isa sa mga residente nga nagpahinago lang sang pangalan, iya ginpahayag nga sa tatlo niya ka tuig nga pag-istar sa nasambit nga lugar, ini ang labing una nga kahigayunan nga taga tuhod ang kadalumon sang tubig.
Suno sa natungdan, mahimo nga nag-awas ang tubig sa suba kag nagsulod sa mga pamalay.
Suno naman sa estudyante nga si Airon Cerebio, mas makapaayo kun limpyuhan ang higad sang suba bangud nagapugong sa pag-ilig sang tubig ang mga rurok kag ang nagatubo nga hilamon.
Ginpahayag sang natungdan nga sa tion nga magbubo ang mamunog nga ulan, nagataas ang lebel sang tubig-baha sa ila lugar.
