ILOILO CITY- Halos nalapawan na sang tubig-baha ang balay sang pila ka pumuluyo sa kilid sang Jalaur River sa Bangga Bante, Zarraga, Iloilo kasunod sang pagbubo sang mamunog nga ulan.
Sa interview sang Bombo Radyo kay Gloria Suobiron, iya ginpahayag nga naglab-ot na sa liog sang tawo ang lebel sang tubig.
Suno sa iya, ginhingagaw man nila nga ibutang sa mataas nga lugar ang ginasagod nila nga mga baboy.
Sa subong suno sa iya, nagatinir sila temporaryo sa ila tupadbalay bangud ginakabalak-an nga posible nga magtaas pa gid ang tubig sa suba.
