MANILA – Suportado sang Department of Tourism (DOT) ang panawagan nga magpatuman sang price cap sa coronavirus tests may kaangtanan sa ginaduso nga buksan ang turismo agud makabawi ang ekonomiya sang Pilipinas.
Suno kay DOT Sec. Bernadette Romulo-Puyat, mas makapaayo nga may yara sang price cap sa RT-PCR kag antigen testing agud nga mangin affordable ang travel.
Nauna na nga ginpahayag ni Cabinet Secretary Karlo Nograles nga ginatun-an sang gobyerno ang tuhoy sa pagpatuman sang price cap sa COVID-19 tests kasunod sang report nga nagalab-ot sa P9,000 ang sukot sa iban nga facilities.
Matandaan nga ginpahanugutan sang Inter-Agency Task Force ang non-essential overseas travel para sa mga Filipino nga may yara sang confirmed roundtrip tickets, travel kag health insurance, declaration tuhoy sa risgo sang travel kag trip delays kag medical test within 24 hours sang departure.
Ang problema lang suno sa Philippine Travel Agencies Association amo nga may yara sang additional cost sa pila ka destinasyon nga naga-require sang COVID-19 testing.
