TEXAS, USA – Mangin daku nga kadulaan sa Republican party sa tion nga makuha sang Democrats ang suporta sang Estado sang Texas sa Estados Unidos.
Suno kay Bombo International Correspondent Dario Valcarcel, ang Texas ang kilala nga Red state ukon nagapabor sa Republican party humalin sang 1976 apang sa subong, nagapanguna sa survey ang kandidato sang kasumpong nga partido.
Ginpahayag ni Valcarcel nga ang Texas ang may pinakamadamo nga early voters turnout kag diri magahalin ang 38 ka electoral votes nga nagapangaduha sa California nga may 55 rason nga nagabakas ang Democrats sa pagpangampanya.
Bilang residente sang Texas sa sulod na sang 50 ka tuig, ginpahayag ni Valcarcel nga sila nga magpamilya ang makabig nga conservative kun sa diin ila nga ginapaboran ang mga kadidato nga nagaduso sang less government intervention kag socialism, pagpanubo sa tax, nagapamatok sa abortion, nagatib-ong sa freedom of religion and speech (First Amendment Law) kag nagatib-ong sa kinamatarong sa pag-angkon sang armas-luthang (Second Amendment).
Natabu-an lamang suno sa natungdan nga ang nasambit nga mga punto amo ang ginakampanya sang Republican party samtang ang Democrats naman ang nahuyog sa modern liberalism.
Suno naman sa tiayon nga si Imelda Valcarcel, ang idolohiya nga ginaduso sang tagsa ka partido amo ang may bug-at sa pagpili sang nagakaigo nga kandidato.
Ginpahayag sang natungdan nga bilang nurse, nagakahangawa siya sa ginaduso sang Democrats nga late-term abortion ukon termination of pregnancy paagi sa induced abortion apisar nga yara na sa late stage sang gestation.
