Liwat nga ginpahanumdom ni Iloilo Gov Arthur Defensor Jr nga likawan ang pagpadulong sa mga patyo subong nga adlaw Oktubre 29 tubtob Nobyembre 4, 2020.
Sa interview sang Bombo Radyo kay Gov. Defensor, iya ginpahayag nga gin-adoptar sang probinsya sang Iloilo ang resolution sang National Inter-Agency Task Force sa diin pahanugutan lang ang pagpadulong sa patyo pagkatapos na sang Nobyembre 4.
Suno sa gobernador, nag-umpisa na sang nagligad nga mga inadlaw ang mga kabanwahanan sa pag-schedule sang mga barangay agud nga malikawan ang pagtingob ukon pagtililipon.
Pamaagi ini dugang sang natungdan agud malikawan ang paglaton sang COVID-19.
