Ginbisita ni Presidente Rodrigo Duterte kagab-i ang pantyon sang iya mga ginikanan sa Roman Catholic Cemetery sa Davao City.
Suno kay Senator Christopher “Bong” Go, alas 6 kagab-i sang nagpadulong si Presidente Duterte sa iya mga ginikanan nga sanday anay Davao Governor Vicente Duterte kag Soledad Duterte.
Kaangay sa mga ordinaryo nga Pilipino, nagpadulong ang Presidente sa patyo antes ang adlaw sang tigkalalag kag antes man ang mandatory closure sang mga patyo kag columbariums umpisa subong nga adlaw tubtob sa Nobyembre 4.
Nahibaluan nga ginmandu sang gobyerno nga siraduhon ang mga patyo agud malikawan ang pagdugok sang tawo.
Ini man ang pamaagi agud mapunggan ang transmission sang COVID-19.
