Ginalauman nga ipatuman ni French President Emmanuel Macron ang apat ka semana nga national lockdown agud nga mapunggan ang paglapta sang COVID-19.
Ang ini nga tikang ang kasunod sang pagtaas sang numero sang mga napatay, pagdamo sang pasyente sa ospital kag mga panibag-o nga kaso sang COVID-19 sa France.
Posible man nga ipatuman sang gobyerno ang mas timprano nga curfew ukon partial lockdowns sa mga lugar nga tuman ka apektado sang virus.
Una na nga ginpasirado ang mga bars kag restaurants apang indi pa maathag kun bala magapabilin nga bukas ang mga balaligyan ukon ang mga nagabaligya lang sang essential goods.
Sa sulod sang 24 oras, 33,417 ka mga panibag-o nga kaso ang narekord sa France.
