NEVADA, USA – Makabig nga deciding factor sa US elections ang Filipino-American Community sa Nevada sa Estados Unidos.
Suno kay Bombo International Correspondent Raul Sabido, team leader sang isa ka volunteer group sa Las Vegas, Nevada, ang Filipino-American community ang pinakadaku nga Asian Community sa nasambit nga estado nga ginakabig nga battleground sa tunga nanday President Donald Trump kay anay Vice President Joe Biden.
Ginpahayag ni Sabido nga sa nakaligad nga duha ka eleksyon, nakuha sang Democratic party ang mayorya sang boto gikan sa Nevada apang sa subong, makita nga tuman ka gamay ang abanse ni Biden rason nga nagabakas si Trump sa pagpangampanya.
Subong nga 2020, ginakabig nga very critical and kag very important ang US elections rason nga sila sa Filipino-Community ang nagakampanya sa pagboto para sa nagakaigo nga kandidato.
Ang Filipino-Community suno kay Sabido ang conservative voters rason nga ila gid nga ginasuportahan ang Republican party nga ginapamunu-an ni Trump nga nagaduso sang pro-life kag pagtib-ong sang past American value and culture.
May kaangtanan naman sa istrikto nga pagsulundan nga ginapatuman ni Trump sa Immigration, ginpahayag ni Sabido nga kinahanglan ini nga sundon sang tanan nga interesado nga magpadulong sa Estados Unidos.
Apisar sini, gin-athag sang natungdan nga iya nga ginatahod ang panindugan sang mga nagasuporta sa Democratic party ilabi na kay Biden nga nagaduso sang abortion kag liberalism.
