MANILA – Nagsaka ang numero sang Filipino seafarers nga nakabalik sa trabaho apisar sang coronavirus pandemic.
Suno kay Department of Labor and Employment Undersecretary Joji Aragon, naglab-ot sa 46,000 nga sea-based migrant workers ang na-deploy sang Setyembre.
Ang nasambit nga data suno kay Aragon ang mas mataas sa 41,000 nga na record sang nakaligad nga tuig sa kasubong nga bulan.
Sang 2019, 1 sa 5 ka Filipino workers ang seafarer kag nagapangatlo sa may pinakadaku nga remittances.
Nahibalu-an nga ang Pilipinas ang isa sa world’s leading suppliers sang merchant seafarers kun sa diin naglab-ot sa 500,000 ang Filipino seafarers ang nakatrabaho sa vessel kasubong sang oil tankers kag cruise ships sang nakaligad nga tuig.
Sang damlag lang, ginduso ni Presidente Rodrigo Duterte ang pagpasar sang layi nga nagamandu sa pagtukod sang government agency para sa Filipino migrant workers kag iya man nga ginakonsiderar ang pagtukod sang department para sa seafarers.
Ang nasambit nga plano sang Presidente ang ginasuportahan naman sang Department of Labor and Employment.
