POTOTAN, ILOILO – Wala sa gihapon makita ang 69 anyos nga senior citizen nga ginapahayag nakadalin-as kag nahulog sa suba sa Brgy. Malusgod, Pototan, Iloilo.
Ang biktima ang ginkilala nga si Reynaldo Anec sang nasambit man nga lugar.
Sa interview sang Bombo Radyo kay Commander Felipe Galino sang Mountain Tigers Rescue Group, Oktubre 29 sang gin-report nga nadula si Anec.
Suno kay Galino, may nakita nga sapatos, bali nga puno sang kapayas kag may agi sang pagkadanlog sa kilid sang sapa sa likod sang balay sang biktima.
Ginpahayag ni Galino nga masami nga ginasugat ni Anec ang iya mga apo agud pakaunon apang wala na makita ang biktima.
Sa subong, padayon ang search and retrieval operation agud makita ang senior citizen.
