Nagsaka sa 11,239 nga mga Filipino sa luwas sang pungsod ang mga natapikan sang COVID-19 sa diin 10 diri ang makabig nga new cases.
Santu sa data sang Department of Foreign Affairs, nagtaas man ang numero sang mga nag-ayo sa balatian nga may kabug-usan nga 7,262 sa diin tatlo diri ang nagdugang.
Samtang ang death toll ang nagapabilin sa 817.
Sa pihak nga bahin, 3,160 ka mga pasyente ang ginapa-idalom pa sa pagbulong.
Kabug-usan nga 1,805 ka kaso sa Asia and the Pacific Region ang narekord sang DFA.
Sa nasambit nga numero, 522 pa ang ginabulong samtang 1,274 na ang naka recover kag siyam ang patay.
Sa Middle East ukon Africa, may yara sang 7,380 ka mga kaso sa diin 2,306 ka mga pasyente pa ang ginabulong.
Ang mga recoveries ang yara sa 4,542 samtang 532 naman ang narekord nga patay.
Kabug-usan naman nga 1,238 ka mga kaso ang reported sa Europe. Sa sini nga numero 176 ka mga pasyente ang ginabulong, 965 ang naka recover kag 94 ang patay.
Sa Estados Unidos, 816 ka mga COVID-19 cases ang na rekord nga may 156 ka mga pasyente nga ginabulong, 481 ka mga recoveries kag 179 ang mga fatalities.
