AUSTRIA – Ipatuman ang 4-week partial shutdown kasunod sang pagtaas sang COVID-19 cases sa Austria.
Lakip sa mga negosyo nga siraduhan amo ang restaurants kag bars samtang kanselado man ang cultural, sports kag leisure activities.
Suno kay Chancellor Sebastian Kurz, ang nasambit nga restrictions ang ipatuman umpisa sa Nobyembre 3 kun sa diin ang curfew ang maga-umpisa 8:00 sa gab-i tubtub 6:00 sa aga.
Indi naman sakop sang shutdown ang food deliveries kag takeout services samtang ang mga hotel ang pagasiraduhon para sa mga turista.
Ang mga kompaniya nga maapektuhan sang shutdown ang makabaton sang bulig gikan sa gobyerno kag ang ayuda ang kabaylo sang 80 percent sang ila revenue.
Ang nasambit nga shutdown ang ginakabig naman ni Kurz nga “second lockdown” apang pahanugutan nga magbukas ang non-essential shops, hairdressers kag ang mga eskwelahan magluwas sa high school kag college nga nagpatuman sang distance learning.
Sa subong, ang Austria ang may 104,925 COVID-19 cases, 67,226 recoveries kag 1,109 deaths.
