ILOILO CITY- Ginpalukpan sang mga myembro sang New People’s Army ang Citizen Armed Force Geographical Unit(CAFGU) detachment sa Pudpud, Miagao, Iloilo.
Sa interview sang Bombo Radyo kay Major Cenon Pancito III, spokesperson sang Third Infantry Division (3ID) sang Philippine Army, iya ginpahayag nga magluwas sa CAFGU members, yara man sa nasambit nga detachment ang mga tropa sang militar nga nagabantay sang natabo ang pagpangharass.
Suno kay Pancito, wala man sang naigo ukon nasamaran nga suldado.
Ginabanta nga 10 tubtob 15 ka myembro sang NPA ang responsable sa amo nga pagpalupok.
