Nevada ang mangin winning state nanday incumbent US President Donald Trump kag Democratic candidate Joe Biden sa pagka-Presidente sang Estados Unidos.
Suno kay Bombo International Correspondent Alex Vidal direkta sa New York, isa sa mga correspondent sang Bombo Radyo Iloilo sa 50 ka mga estado kag sa distrito sang Columbia sa Estados Unidos, kun makuha man ni Trump ang Pennsylvania nga may 20 electoral votes, North Carolina nga may 15 electoral votes kag Georgia nga may 16 electoral votes, kulang ini sa gihapon sang boto agud nga makuha ang kabug-usan nga 270 votes agud nga mangin masunod nga presidente sang Estados Unidos.
Apang kun makuha pa gid sini ang Nevada nga may 6 ka boto sa diin nagapanguna subong si Biden, mahimo nga si Trump ang madaog.
Samtang Nevada na lang ang ginahulat sang mga Democrat nga may 6 electoral votes agud nga makuha ang 270 votes nga alagyan sang kadalag-an ni Biden.
Wala naman ginasapak sang mga tawo sa New York ang gina-claim ni Trump nga may natabo nga “fraud” sa Wisconsin bangud wala man ini sang ebidensya kag mangin sa Georgia ginapahayag sini nga may yara sang mga flying voters.
Sa tion nga magdaog si Biden, ang 11 million nga mga illegal immigrants sa Estados Unidos lakip na ang ang mga Pilipino, masend siya sang appeal sa Congress agud ini sila ang mangin legal kag diri nagapamatok ang mga Republicans.
