ILOILO CITY – Nagapakig-angot na ang Punong Barangay sang Boulevard, Molo, Iloilo City kay Mr. Love Joy Hosenilla, ang pinuno
sang Anti Squatting and Illegal Structures Unit (ASISU) tuhoy sa liwat nga pag-activate sang road clearing operations sa
Nobyembre 16.
Sa interview sang Bombo Radyo kay Punong Barangay Virgilio Villanueva, iya ginpahayag nga problema sa subong sa ila
barangay amo ang masami nga pag-illegal park sang mga salakyan, motorsiklo kag tricycle nga nagalaksam sa dalan.
Suno kay Villanueva, iya na ginsapol ang mga barangay kagawad kag tanod agud nga ipatuman ang mga lihok kaangay
sang pag-warning sa mga naga illegal park antes ang road clearing operation.
Dugang pa sang punong barangay, kun kaisa ma timingan man nga wala sang may naga illegal park ukon mga nagabaligya
nga nagalaksam sa dalan apang kun wala sang may nagatsekyar, liwat na naman ang mga ini nagabalik.
