ILOILO CITY – Espesyal ang ginapangabay ni Miss Universe 2020 Rabiya Mateo sa iya ika-24 nga kaadlawan subong nga adlaw.
Kadungan sang iyahomecoming sa syudad sang Iloilo, handum ni Rabiya nga makuha ang ikalima nga Miss Universe crown para sa Pilipinas.
Suno kay Rabiya, himuon niya ang tanan agud mapakita sa bilog nga kalibutan ang kagwapa sang mga Ilongga.
Ginakonsiderar man sang 5’7 Ilongga beauty nga pagatawgon nga ‘Hala Bira’ ang iya signature walk nga base sa Dinagyang Festival.
(RABIYA HOMECOMING 2)
Tuman man ang pagpasalamat ni Rabiya sa mainit nga suporta sang linibo nga mga Ilonggo sa iya pagbalik sa Iloilo.
Nahibaluan nga kagab-i, nagselebrar na si Rabiya sang iya pre- birthday celebration sa sikat nga Molo Mansion nga gintambongan man sang mga VIP guest kag media.
Magluwas diri, ginpangunahan man ni Rabiya ang pagpasiga sang 20 ka metros nga Christmas Tree.
Subong nga adlaw, madamo pa sang nakapila nga mga aktibidad ang beauty queen sa syudad sang Iloilo.
