ILOILO CITY – Ginalantaw ni Iloilo City Mayor Jerry Treñas nga posible ipasirado ang tanan nga mga resto bars sa syudad sang Iloilo bilang pagsulundan sang Inter-Agency Task Force.
Sa interview sang Bombo Radyo kay Mayor Treñas, iya ginpahayag nga may yara sang patigayunon nga pagsinapol subong nga adlaw kaupod ang COVID-19 team agud nga madiskusyunan kun ano ang makapamaayo sa syudad.
Suno kay Treñas, mabudlay para sa mga otoridad nga mabantayan ang tanan nga establisimento nga nagabaligya sang makahulubog nga ilimnon bangud ini ang madamo.
Kun mahisugtan nga ipasira ang tanan nga resto bars, ini ang magalawig tubtob sa katapusan sang bulan sang Nobyembre.
Samtang pahayag sang alkalde, magabuligay ang mga Barangay officials kag katapo sang Public Safety and Transportation Management Office (PSTMO) sa pagsiguro nga mangin hilway ang dalanon sa mga obstruction.
Ini bangud sa liwat nga pag-activate sang road clearing operations bwas nga adlaw.
