ILOILO CITY- Naglab-ot sa 430 ka mga indibidwal ang naaresto sa ginpatigayon nga Birada Semana nga isa ka anti-criminality campaign sang Police Regional Office 6.
Sa bahin sang mga Most Wanted Persons, 212 ang mga nadakpan sa 203 ka mga operasyon.
Sa mga Wanted Persons, 54 ka tawo ang naaresto sa 53 ka operasyon.
Sa bahin naman sang illegal drugs, sa 49 ka operasyon, 62 ka tawo ang nadakpan.
Sa illegal gambling, 297 ang naaresto sa 91 ka operasyon.
Sa paglapas sa RA 10591 kag RA 9516 nga naangot sa illegal possession of firearms and explosives, 17 ang nadakpan sa 17 ka operasyon kag narekober naman ang 22 ka mga explosives kag 274 ka mga armas.
Nagpanguna naman ang Negros Occidental Provincial Police Office sa may pinakamadamo nga accomplishment sa bahin sang illegal drugs kag illegal gambling.
Nanguna naman ang Iloilo Police Provincial Office sa may pinakamadamo nga accomplishment sa bahin sang illegal possession of firearms and explosives.
